-
“15 iyul hadisələrindən dərhal sonra “Qafqaz Universiteti”nin fəaliyyətinə və orada çalışan 50-yə yaxın müəllimlə bağlanmış əmək müqaviləsinə xitam verilib. Eyni səbəbdən “Zaman-Azərbaycan” qəzetinin və onun veb-saytının fəaliyyəti, Fətullah Güləndən müsahibə almış ANS televiziyasının, radiosunun və veb-saytının da yayımı dayandırılıb”.
Daxili işlər naziri Ramil Usubovavqustun 31-i Türkiyəyə səfəri çərçivəsində bu ölkədən olan həmkarı Əfqan Ala ilə ( artıq keçmiş həmkarı-R) müzakirələr zamanı bunları deyib.
Bu haqda nazirliyin sentyabrın 1-də yaydığı məlumatda bildirilir.
Gülənçilərə qarşı cinayət işi
Nazir türk həmkarına bildirib ki, müxtəlif sahələrdə və strukturlarda fəaliyyət göstərən “Hizmet hərəkatı”na mənsub şəxslərin aşkarlanması istiqamətində müvafiq dövlət qurumları lazımi tədbirlər görür.
Buna da bax: Fethullah Gulen danışdı: «Çevriliş baş tutsaydı belə...»
“Mobil rabitə xidməti göstərən şirkətlərdə yüksək vəzifə tutan bəzi şəxslər - mobil operatorların abunəçilərinə dair fərdi, o cümlədən qapalı məlumatlardan qanunsuz olaraq “Hizmet hərəkatı”nın xeyrinə istifadə etməkdə şübhəli bilinərək həbs olunublar. Baş Prokurorluq tərəfindən avqust ayının 12-də cinayət işi başlanılıb və istintaq aparılır”, deyə nazir görüşdə məlumat verib.
R.Usubov həmçinin deyib ki, prezident İlham Əliyev Türkiyədəki olayları qətiyyətlə pisləyib, qəbuledilməzliyini söyləyib.
Görüşdə tərəfləri maraqlandıran bir sıra digər məsələlərin də müzakirə olunduğu bildirilir.
Buna da bax - Gülen hərəkatı və Türkiyə dövləti: toqquşmanın səbəbi nədir?
Son günlər Azərbaycanda da Fetullah Gülenin rehberlik etdiyi “Hizmet” Hərəkatı ilə əməkdaşlıqda günahlandırılan bir neçə şəxs həbs edilib.
Aralarında “Azadlıq” qəzetinin yayım direktoru Faiq Əmirlinin də olduğu həmin şəxslər əsasən müxalif Azərbaycan Xalq Cəbhəsi Partiyasının ( AXCP) fəallarıdır. Onlardan biri də «Azerfon» şirkətinin Zənglər mərkəzində operator işləyən AXCP fəalı Fuad Əhmədlidir. Onun atası Zəfər Əhmədov oğlunun “gülençi” olması barədə iddiaları yalanlayaraq ciddi maliyyə çətinlikləri keçirdiyini bildirib. Onun deməsinə görə, ailədə yeganə Fuad Əhmədli işləyib. Tək oğulları həbs edilməyib, onlar həm də çörəkdən olublar.
AXCP isə bəyanat verib ki, Azərbaycan hakimiyyəti “Gülençi” adı ilə öz rəqiblərini sıradan çıxarır. Gerçəklikdə isə öz içində Getullah Gülenlə əməkdaşlıq edən şəxsləri himayə edirlər.
ANS və Qafqaz Universiteti
Bundan bir qədər əvvəl, iyulun 29-da Bakı Apellyasiya Məhkəməsi ANS Müstəqil Yayım və Media Şirkətinə 2013-cü il oktyabrın 25-də verilmiş lisenziyanı ləğv edib.
Məhkəməyə MTRŞ müraciət etmişdi. Şuranın ərizəsində göstərilib ki, iyulun 15-də Türkiyədə dövlət çevrilişi cəhdindən sonra ANS-in efirində terrorizmə dəstək xarakterli materiallar yayımlanıb. Telekanalın ABŞ-dakı müxbiri ilahiyyatçı Fethullah Gülen-dən müsahibə alıb və həmin müsahibə xarici KİV-lər vasitəsilə anons olunub.
Qafqaz Universitetinin isə fəaliyyəti dayandırılmayıb. Təsisçilərinin iyulun 20-də verdiyi qərarla o, Bakı Ali Neft Məktəbininidarəçiliyinə verilib.Verilən xəbərlərə görə, indi də unversitetin adı dəyişir.
Tükriyənin xarici işlər naziri Qafqaz Universitetinin qapıdılması haqda
