Dövlət Departamenti "İzvestiya" qəzetinin səhvlərini düzəldir
Birləşmiş Ştatların Dövlət Departamenti “saxta məktub” dərc etməsi ilə bağlı Rusiyanın hökumətyönlü “İzvestiya” qəzetini lağa qoyub.
Keçmiş rəsmi sovet qəzeti olan “İzvestiya” bu yaxınlarda dərc olunmuş məqalələrindən birində ABŞ rəsmisi Randy Berry-nin adından yazılmış saxta məktubu dərc etmişdi.
Məktubla yanaşı çap olunmuş məqalədə qəzet iddia edirdi ki, ABŞ rəsmisi Randy Berry Rusiyada homoseksualların hüquqlarını müdafiə edən Nikolay Alekseyevə təşəkkürünü bildirib.
Hər 3 nəfərdən 2-si maliyyə məsələsində savadsızdır
Dünyada hər 3 nəfərdən 2-si maliyyə baxımından savadsızdır. Bunu «Standard&Poor's» Qlobal Maliyyə Savadlılığı Sorğusu üzə çıxarıb. Sorğunu «Gallup»sorğu mərkəzi keçirib, Dünya Bankının, Corc Vaşinqton Universitetinin tədqiqatçıları isə məlumatları təhlil edib.
Maliyyə savadlılığı pulun necə işlədiyini anlamaqdır: adamlar pulu necə qazanırlar, necə idarə edirlər, necə yatırım qoyurlar, digərlərinə necə yardım edirlər.
148 ölkədə 150 min nəfər arasında sorğu aparılıb. Bəlli olub ki, Skandinaviya ölkələrində maliyyə savadlılığı daha yüksəkdir. Norveç, Danimarka və İsveçdə bu rəqəm 71%-dir. İsrail (68%), Kanada (68%), Böyük Britaniya (67%), Niderland (66%) və Almaniya (66%) öncül yerləri tutur. Birləşmiş Ştatlar 14-cü yerdədir.
Yəmən (13%), Albaniya (14%) və Əfqanıstan (14%) dünyada maliyyə baxımından ən savadsız ölkələrdir. Hər 7 nəfərdən 1-inin pul məsələlərindən başı çıxır.
Azərbaycanda maliyyə savadlılığı 36%-dir. Ermənistanda 18, Gürcüstanda 30, Rusiyada 38, Ukraynada 40%.
Polyaniçko gedib İsmət Qayıbovun qarşısında 5 dəqiqə dayandı...
Uzun illər Daxili İşlər Nazirliyində yüksək vəzifələrdə çalışmış Bayram İsmayılov Cinayət Axtarış İdarəsinin müvəkkili kimi 1991-ci il 20 noyabrda vurulan helikopteri görənlərdən olub. O, müşahidələrini«Təzadlar»a danışıb:
«Hadisə yerində vertolyot yanmış vəziyyətdə idi və onun bəzi hissələri ətrafa səpilmişdi... Qanadlarında isə iriçaplı silahdan atılmış güllə yerləri aydın görünürdü... Vertolyotda olmuş insanlar yanmış halda bir-birinin yanına və üstünə qalaqlanmışdılar. Tofiq İsmayılov və vertolyotu idarə edən vertolyotçu isə təpənin maili hissəsində, vertolyotdan təxminən 6-7 addım aralıda ölmüş vəziyyətdə yerə uzanmışdılar...Onların bədəni üzərində heç bir yanıq izi yox idi, mən bunu dəqiq deyirəm, yəni özüm görmüşəm... Allah rəhmət eləsin, Tofiq İsmayılovun gözləri açıq idi... Mən onun gözlərində dəhşətli bir ölümün sözlə ifadə edilməz izlərini gördüm. Dəqiq yadımdadır, Polyaniçko gedib İsmət Qayıbovun qarşısında təxminən 5 dəqiqə dayanıb ona baxdı... Maraqlıdır ki, o, yalnız İsmət Qayıbovun yanında dayandı, sonra kənara çəkildi».
Bu günki AzadlıqLive-da:
Bakının rayonlarında istilik verilməsi niyə gecikir?
Vəkili deyir ki, Leyla Yunusun sağlamlığı bərbad vəziyyətdədir