Skype-da yeni virus
«Skype» istifadəçilərinin danışıq və özəl bilgilərini ələ keçirən yeni virus yayılıb.
«T9000» adlı yeni virusu bir təhlükəsizlik şirkətinin ekspertləri üzə çıxarıb.
«Daily Mail»in yazdığına görə, ən təsirli antivirus proqramları da bu virusun qarşısında aciz qalıb.
Ekspert açıqlamalarından o nəticəyə gəlmək olar ki, istifadəçilərə dair məlumat toplamaq həmin virusun ilkin hədəfidir - videozənglər olunca, istifadəçinin fotosu çəkilib yaddaşa verilir və danışıqlar yazılır.
«NARDARAN ƏMƏLİYYATINDA QARANLIQ MƏQAM KİFAYƏT QƏDƏRDİR»
Vəkil Cavad Cavadov keçən il noyabrın 26-da baş tutan «Nardaran əməliyyatı»barədə «Amerikanın səsi»nə açıqlama verib. O, bu əməliyyatda kifayət qədər qaranlıq məqamların olduğunu düşünür:
«Nardaranda olan zaman dövlət orqanları Taleh Bağırzadəni dəvət etsəydilər o bu çağırışa gedəcəkdi. Amma fikrimcə, onun könüllü gəlməsi kimlərəsə əl vermirdi. Odur ki, belə bir əməliyyat keçirildi».
Azərbaycanlı neft baronu
Azərbaycanın neft-qaz baronu Böyük Britaniyaya, Şimal dənizinə ilk sərmayəsini yatırıb, «Maclure» yatağında «Shell» şirkətinin 7.59%-lik payını alıb.
energyvoice.com saytı yazır ki, Nəsib Həsənov 2014-cü ildə Londonda tədqiqat və hasilat biznesini qurub. Hazırda «Nobel Upstream» şirkətinin Azərbaycanda və ABŞ-ın Texas ştatında - Hyustonda texniki və kommersiya qrupları işləyir.
Bu günki AzadlıqLive-da:
Rövnəq Abdullayev itkin düşən neftçilərin ailə üzvləri ilə görüşdən niyə qaçır?
Avtobilini dollar krediti ilə alanlar məhkəmədə banklara qarşı. Onların hüquqlarını müdafiə edəcək Əkrəm Həsənov deyir ki, banklar adamları aldadıb
Azərbaycanda nisyə dəftəri də ləğv olunub, Rusiyada supermarket ərzağı kreditə verir, ancaq ayda 3-5 faizlə