Prezident :Azərbaycan ordusu daha 16 kəndi işğaldan azad edib
Azərbaycan prezidenti İlham Əliyevin Azərbaycanın işğal altında olan 16 kəndinin də azad edildiyini açıqlayıb.
Bu barədə prezident, İlham Əliyev özünün rəsmi “Twitter” hesabında bildirib.
Müzəffər Azərbaycan Ordusu Füzulinin Yuxarı Veysəlli, Yuxarı Seyidəhmədli, Qorqan, Üçüncü Mahmudlu, Qacar, Divanalılar, Cəbrayılın Yuxarı Məzrə, Yanarhac, Qubadlının Qəzyan, Balasoltanlı, Mərdanlı, Zəngilanın Beşdəli, Xocalının Qarabulaq, Moşxmaat, Xocavəndin Ataqut, Tsakuri kəndlərini işğaldan azad etmişdir…”
AMN: “Ağdamın kəndləri atəşə tutulur”
Ermənistan silahlı qüvvələrinin Ağdam rayonunun Çullu və Çıraqlı kəndlərini də artilleriya atəşinə tutduğu bildirilir.
Bu barədədə isə Azərbaycan Müdafiə Nazirliyi (AMN) noyabrın 7-i, saat təqribən 11 radələrində məlumat yayıb.
Amma, hələlik, təlafatla bağlı məlumat yoxdur.
AMN həmçinin qeyd edib ki, Şuşa şəhərini onların fasilələrlə atəşə tutması ilə bağlı Ermənistan tərəfinin yaydığı xəbər tamamilə həqiqətə uyğun deyil.
“Bildiririk ki, Azərbaycan Ordusu Şuşa şəhərini atəşə tutmayıb.”,AMN vurğulayıb.
AMN: “Yaşayış məntəqələrimiz yenidən atəşə tutulub”
Ermənistan silahlı qüvvələrinin bölmələrinin Tərtər rayonunun Şıxarx qəsəbəsini, Qazyan, Hüsənli kəndlərini və Ağcabədi rayonunun Yuxarı Qiyaməddinli kəndini artilleriya atəşinə tutduğu deyilir.
Bu məlumat Azərbaycan Müdafiə Nazirliyinin noyabrın 7-i, saat 10:35 radələrində yaydığı açıqlamada yer alır.
Açıqlamaya görə, Azərbaycan ordusu da əks tədbirlər görür.
“Cəbhədə noyabrın 7-nə olan son vəziyyət”
Noyabrın 6-sı gün ərzində, habelə 7 nə keçən gecə Ermənistan silahlı qüvvələrinin cəbhənin müxtəlif istiqamətlərində Azərbaycan ordusunun mövqelərini, yaşayış məntəqələrini müxtəlif atıcı silahlar, top və minaatanlardan atəşə tutduğu bildirilir.
Bu barədə Azərbaycan Müdafiə Nazirliyi (AMN) noyabrın 7-i, səhər saatlarlnda məlumat yayıb.
“Döyüş əməliyyatları müxtəlif intensivlikdə əsasən cəbhənin Ağdərə, Ağdam və Xocavənd istiqamətlərində davam edib ”, məlumatda yazılıb.
Açıqlamaya görə, qarşı tərəf cəbhənin bəzi sahələrində geri çəkilməyə məcbur edilib:
“Hazırda cəbhənin bütün istiqamətlərində döyüş əməliyyatları davam edir”