Azərbaycan həbsdə olan jurnalist sayına görə Avropada Belarusdan sonra ikinci yerdədir. Bu barədə Avropa Şurasının Jurnalistikanın qorunması və jurnalistlərin təhlükəsizliyi üzrə platforması martın 5-də yayılan illik hesabatından bildirib.
Azərbaycan hakimiyyətinə yaxın mediada yazılanlara görə, hökumət bir neçə beynəlxalq təşkilatın Bakıdakı nümayəndəliyini bağlamaq qərarına gəlib.
Buzovna-Bilgəh-Nardaran yolundakı məlumat lövhələrində Nardaranın adı yerinə "Sea Breeze" yazılıb. "Sea Breeze" yaşayış və turizm kompleksi prezident İlham Əliyevin keçmiş kürəkəni, biznesmen Emin Ağalarova məxsusdur.
Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsi "Suverenliyin bərpası: siyasi müstəvidə yeni münasibətlər sisteminin formalaşdırılması" mövzusunda Dəyirmi Masa təşkil edib.
Fevralın 24-də Rusiyanın Ukraynada apardığı təcavüzkar müharibənin 3 ili tamam olur.
Fevralın 21-də jurnalist Nurlan Qəhrəmanlı (Libre) həbs edilib. Onun "MeydanTV işi" ilə əlaqədar həbs olunduğu bildirilir. Son bir ildə Azərbaycanda maliyyə qaçaqmalçılığında ittiham olunaraq 30-yə yaxın jurnalist və ictimai fəal həbs edilib. Onlar ittihamları qəbul etmir, siyasi sifariş sayırlar.
Prezident İlham Əliyev bu həftə Xocalı rayonunun Ballıca kəndində bir qrup sakinlə görüşüb. Sakinlərdən biri prezidentə deyib: "Mən oğlumun adını İlham qoymuşam. İnanın, Allahdan arzu edirəm, bir nəvəm olsun, onun da adını İlham qoyacağam".
Prezident İlham Əliyev yenidən Azərbaycan Milli Olimpiya Komitəsinin prezidenti seçilib. O, 28 ildir bu postu tutur.
Son iki həftədə "ToplumTV" və "Turan" İnformasiya Agentliyi fəaliyyətini dayandırdığını elan edib. Hökumətyönlü mediada AzadlıqRadiosu, digər müstəqil media orqanlarına qarşı zaman-zaman ittiham dolu yazılar dərc olunur.
Daxili İşlər Nazirliyi polisə ictimai dəstək olanların bundan sonra "mülki inspektor" adlandırılmasına qərar verib. Mülki inspektor olan şəxslərin həmçinin xüsusi formaları da olacaq. Azərbaycan polisə ictimai dəstək qrupları 2016-cı ildən fəaliyyət göstərir.
Bugünlərdə hakimiyyətə yaxın media Azərbaycanda Rusiyanın casus şəbəkəsi qurması, onun vasitəsilə ölkədə ictimai-siyasi proseslərə təsir göstərməyə çalışması iddialarının yer aldığı yazılar dərc edir.
Azərbaycanla Rusiya arasında AZAL-a məxsus təyyarəsinin keçən il dekabrın 25-də qəzaya uğramasından sonra gərginliyin artdığı bildirilir. Rəsmi Bakı Azərbaycandan "Rossotrudniçestva"nın tərkibində yer alan Rus Evini çıxaracağını bəyan edib.
Davamı
