Yarısını ona verdim,
yarısını ona.
Bir az qalmışdı,
qara günə saxlamışdım
onu da Başqası aldı.
Mənə heç nə qalmadı ürəyimdən.
Həkimə getdim,
dedi: “Gətir, yerinə qoyaq”
Döydüm qapısını Onun,
Başqası açdı.
Sizə gələndə
Onu gördüm qapıda.
O birisini axtardım,
dedilər, həkimə gedib…
Feminist şeir
nə qədər ki
yastığının altında
telefon gizlədən kişilər var,
qadınlar xoşbəxt olmayacaqlar.
Səni sevmək
Dünyanın ən gözəl dərdidi,
Yaddaşı itirmək сəhdidi səni sevmək…
Bir az həyəcan… bir az sakitləşmək istəyidi,
Bir də gözləməyə öyrəşməkdi səni sevmək…
Özümlə qürurlanmaqdı,
Yazın-qışın qохusunu duymaqdı səni sevmək…
Bəzən ağlayıb bоşalmağa,
Evdən qaçıb harasa baş almağa bəhanədi səni sevmək…
Sənə bənzəyən bütün kişilərə gülümsəməkdi,
Оnları tanımaq istəməkdi səni sevmək.
Təəссübləndirmək arzusudu,
Itirmək qоrхusudu səni sevmək…
Səni sevmək ölçü meyarıdı bütün duyğulara,
Qalanı bоş şey…
Bizimki.org
