Milli Bankın İdarə Heyəti oktyabrın 31-dən uçot dərəcəsinin 12%-dən 10%-dək endirilməsi barədə qərar qəbul edib. Bu addım kredit əməliyyatlarına tələbatın artırılmasına yönəlib. Bu barədə «Turan»a Milli Bankdakı mənbələrdən məlum olub.
Bu ay Milli Bank uçot dərəcəsinin 3% endirilməsi barədə artıq bir dəfə qərar qəbul etmişdi.
Lakin ekspertlər kredit bazarında tamam başqa vəziyyətin müşahidə olunduğunu söyləyirlər. Belə ki, kommersiya banklarının dərəcələri son həftələr ərzində orta hesabla 1-2% artıb.