Bu gün dünyada xərçənglə mübarizə günüdür. Dövlət Statistika Komitəsinin son məlumatına görə, Azərbaycanda əhalinin hər 100 min nəfərindən 83-ü xərçəng xəstəsidir.
Ümumdünya Səhiyyə Təşkilatının hesablamalarına görə isə 2005-ci ildən 2015-ci ilə kimi dünyada 84 milyon nəfər xərçəngdən öləcək.
Amma bu xəstəlikdən qorunmağın yolları da var. Ümumdünya Səhiyyə Təşkilatı bildirir ki, siqaret çəkməmək, düzgün qidalanmaq və aktiv həyat tərzi keçirmək xərçəngə tutulmaq riskini 40 faiz azaldır.
