Özbəkstan hakimiyyəti iki ay öncə zorakılıqda günahlandırılaraq həbs olunan müstəqil jurnalistə qarşı əlavə ittiham irəli sürüb. Məlumatı yerli hüquq müdafiəçiləri yayıblar. Məlumata görə, jurnalist Dilmurad Səyyidə qarşı yeni ittiham şantaj və saxtakarlıqla bağlıdır. Hüquq müdafiəçilərinin dediyinə görə, yeni ittihamlar Səyyidin yerli fermerlərlə bağlı fəaliyyətinə görədir.
Müstəqil jurnalist Dilmurad Səyyid Özbəkstanda insan haqlarının pozulmasının kəskin tənqidçisidir. Məhkəmə əvvəlki ittihamla bağlı jurnalistə iki il yarım həbs cəzası verib.