Bu barədə «Azadlıq» radiosuna parlamentin sosial siyasət komissiyasının sədr müavini Musa Quliyev məlumat verib. Onun sözlərinə görə, 1999-cu ildə qəbul edilən qanunda tibbi sığorta ödənişlərinin mənbəyi və başqa məsələlər aydın əksini tapmadığı üçün onun həyata keçirilməsi çətindir. Musa Quliyev deyir ki, parlamentin payız sessiyası başlanan kimi qanunun yenidən işlənməsi üçün Səhiyyə Nazirliyi ilə birgə işçi qrupu yaradılacaq.