«Amerikada bizim mövqeyimiz budur ki, Türkiyə-Ermənistan və Dağlıq Qarabağ prosesləri ayrı-ayrı proseslərdir».
Bunu ATƏT-in Minsk Qrupunun amerikalı həmsədri Metyu Brayza Yerevanda «Azadlıq» radiosunun Ermənistan xidmətinə bildirib.
O deyib ki, bu nizamlanma prosesləri bir-birinə paralel şəkildə davam edə bilər. Hərçənd bu proseslərin irəliləmə sürəti fərqli ola bilər:
«Öz axarlarıyla davam etdikləri bir vaxtda bu proseslərin bir-birilərinə də kömək etməsi mümkündür. Əgər Dağlıq Qarabağ prosesində irəliləyiş əldə edəcəyiksə, Türkiyə-Ermənistan prosesində irəliləyiş əldə etmək daha asan olacaq. Eynilə Türkiyə-Ermənistan prosesi Dağlıq Qarabağ məsələsinə kömək edə bilər».
Amma M.Brayza hesab edir ki, bu proseslər paralel getsə də, bir-birilərinin ilkin şərti deyillər.
Türkiyə və Ermənistan münasibətlərinin ilkin şərt qoymadan yaxşılaşdırılması üçün «yol xəritəsi» imzalayıblar. Azərbaycan hesab edir ki, Dağlıq Qarabağ məsələsi həll olunmadan Türkiyə-Ermənistan sərhədi açıla bilməz. Bakının etirazlarından sonra Türkiyənin Baş naziri bildirib ki, Ermənistan sərhədlərin açılmasını istəyirsə, birinci Azərbaycanın işğal olunmuş ərazilərini azad etməlidir.
Bunu ATƏT-in Minsk Qrupunun amerikalı həmsədri Metyu Brayza Yerevanda «Azadlıq» radiosunun Ermənistan xidmətinə bildirib.
O deyib ki, bu nizamlanma prosesləri bir-birinə paralel şəkildə davam edə bilər. Hərçənd bu proseslərin irəliləmə sürəti fərqli ola bilər:
«Öz axarlarıyla davam etdikləri bir vaxtda bu proseslərin bir-birilərinə də kömək etməsi mümkündür. Əgər Dağlıq Qarabağ prosesində irəliləyiş əldə edəcəyiksə, Türkiyə-Ermənistan prosesində irəliləyiş əldə etmək daha asan olacaq. Eynilə Türkiyə-Ermənistan prosesi Dağlıq Qarabağ məsələsinə kömək edə bilər».
Amma M.Brayza hesab edir ki, bu proseslər paralel getsə də, bir-birilərinin ilkin şərti deyillər.
Türkiyə və Ermənistan münasibətlərinin ilkin şərt qoymadan yaxşılaşdırılması üçün «yol xəritəsi» imzalayıblar. Azərbaycan hesab edir ki, Dağlıq Qarabağ məsələsi həll olunmadan Türkiyə-Ermənistan sərhədi açıla bilməz. Bakının etirazlarından sonra Türkiyənin Baş naziri bildirib ki, Ermənistan sərhədlərin açılmasını istəyirsə, birinci Azərbaycanın işğal olunmuş ərazilərini azad etməlidir.
