Obama İranı tələsməyə çağırıb

İranın nüvə proqramı ətrafında yaranmış vəziyyəti diplomatik yolla həll etməyin vaxtı tükənir.

Bunu ABŞ prezidenti Barak Obama Sinqapurda deyib.

Obama qeyd edib ki, həmçinin Rusiya İranla aparılan danışıqların ləngliyindən narazıdır.

İran onun nüvə proqramıyla bağlı beynəlxalq aləmin təklifinə hələ də cavab verməyib.

Təklifdə Tehranın nüvə proqramı üçün zənginləşdirilmiş uranın İranda yox, Rusiya və Fransada istehsal olunması nəzərdə tutulur.