Bayramqabağı qiymətlərin qalxmaması üçün nazirlik monitorinqə başlayıb

İqtisadi İnkişaf Nazirliyi yanında Antiinhisar və İstehlak Bazarına Nəzarət üzrə Dövlət Xidməti istehlak mallarının qiymətlərinin gündəlik monitorinqinə başlayıb.

Monitorinqə səbəb qarşıdan gələn bayramlarla bağlı qiymətlərin qalxa biləcəyi ehtimalıdır.

Azərbaycanda adətən bayramqabağı ərzaq məhsullarının qiyməti artırılır.

Antiinhisar və İstehlak Bazarına Nəzarət üzrə Dövlət Xidməti monitorinq aparmaqla qiymətlərin artırılmasının qarşısını almağa çalışır.