İran hökumətinin sözçüsü 6 il həbs aldı

İranın İnqilab məhkəməsi keçmiş dövlət sözçüsü Abdulla Ramezanzadəni 6 il azadlıqdan məhrum edib. O, milli təhlükəsizliyə qarşı fəaliyyətdə və İslam sisteminə qarşı təbliğat aparmaqda ittiham olunub.

İranın Fars agentliyi bildirir ki, məhkəmə qərarında Ramezanzadənin müxalifət lideri Mirhüsseyin Musəvinin tərəfdarı olduğu qeyd olunub.

Keçmiş sözçü İranda mübahisəli prezident seçkilərindən sonra həbs olunanlardandır.

Ramezanzadə 1997-ci ildən 2005-dək hökumətin sözçüsü olub.