Rəbiyyət Aslanova: «Beynəlxalq təşkilatların üzərinə öhdəliklər qoymalıyıq»

«Azərbaycanda fəaliyyət göstərən beynəlxalq təşkilatların üzərinə biz çoxlu öhdəliklər qoymalıyıq».

Bunu parlamentin İnsan Hüquqları Komitəsinin toplantısında Ombudusman Aparatının rəhbərliyinə namizədlərin müzakirəsi zamanı komitənin rəhbəri Rəbiyyət Aslanova deyib:

«Əks təqdirdə onlar əziz qonaq kimi yuxarı başda oturub heç bir iş görmürlər. Gördükləri iş də uğursuz nəticələnir. Bu, ATƏT-in də, Avropa Şurasının da ofislərinə aiddir. Bilirsiniz, əziz, ərköyün qonaq statusundan çıxmaq lazımdır».

Rəbiyyət Aslanovanın sözlərinə görə, onları bir qədər silkələmək lazımdır.