Bu gün pakistanlı Əmir Kəsaba ölüm hökmü çıxarılacağı gözlənilir. O, 2008-ci ildə Hindistanın Bombey şəhərində 166 nəfərin ölümü ilə nəticələnmiş terror hücumunda təqsirli bilinir.
Hindistan məhkəməsi dünən 22 yaşlı Kəsabı 86 ittihamın hamısı üzrə təqsirli bilib. Terror hücumunun Pakistanda fəaliyyət göstərən Ləşkər-e-Taiba ekstremist qrupu tərəfindən hazırlandığı, Kəsabın da məhz bu qruplaşmanın üzvü olduğu bildirilir.