Müasir dünya ədəbiyyatının ünlü simalarından biri, fransız yazıçısı Mişel Uelbekin yeni kitabı bu həftə satışa çıxar-çıxmaz qalmaqal yaradıb.
Hələ çap ərəfəsində bəziləri proqnoz vermişdi ki, “La carte et le territoire” (Xəritə və ərazi) əsəri noyabrda Fransanın ən nüfuzlu ədəbi mükafatı olan “Qonkur”u qazana bilər.
Yeni əsər bir gənc rəssamın yol xəritələrindən sənət əsəri yaratması haqqındadır.
Amma Fransanın ədəbiyyat saytlarından biri - Slate.fr məşhur yazıçını plagiatlıqda - "Vikipediya" İnternet ensiklopediyasından və bir sıra başqa saytlardan mətnləri istinadsız əsərinə daxil etməkdə günahlandırır.
Sayt iddia edir ki, yazıçı “Vikipediya”dan siyasi fəal Frédéric Nihous, Beauvais şəhəri və ev milçəyi haqda bəzi məlumatları olduğu kimi götürüb öz əsərinə daxil edib.
Bundan başqa onu ittiham edirlər ki, Fransanın cənubundakı bir otel haqda məlumatları həmin otelin saytından “oğrulayıb”.
Həmçinin Fransa Daxili İşlər Nazirliyinin saytından yüksək vəzifəli polis rəsmilərinin rolu haqqında məlumatları olduğu kimi öz əsərinə köçürüb.
Hazırda İspaniyada yaşayan Uelbek plagiat ittihamlarını “gülünc” adlandırıb.
O deyib ki, bu məsələdə “plagiat” sözünü işlədənlərin ədəbiyyatın adi anlayışlarından xəbəri yoxdur.
“Bu mənim yazı metodumun bir hissəsidir”.
Yaziçi deyib ki, sözügedən mətn parçalarına bir “pəçvök” kimi yanaşıb – onları “bir-birinə tikib”.
Patchwork(“Patchwork” (ing.) müxtəlif rəngli parça qırıqlarının bir-birinə tikilməsi ilə yaradılan əl işidir).
Uelbek Borxes və başqa məşhur yazıçıları nümunə göstərib, onların “real” mətnləri ədəbi materiala çevirməsini xatırladıb.
Slate.fr saytı isə qeyd edir ki, bütün hallarda başqasının beyninin məhsulundan icazəsiz olaraq istifadə etmək qanunsuzdur.
Uelbekin əsərləri birinci dəfə deyil ki, qalmaqal yaradır.
2001-ci ildə onu “Platforma” əsərinə görə məhkəməyə çəkmişdilər.
Uelbeki kitabda İslamla bağlı yazdıqlarına görə dini ədavəti qızışdırmaqda ittiham etmişdilər.
Amma o zaman yazıçıya bəraət verilmişdi.
Bundan başqa Uelbek əsərlərinin birində anasının obrazını yaratmış, anası da buna görə onu “yalançı”, “fırıldaqçı” və “parazit” adlandırmışdı.
“Telegraph”
Həmçinin oxu
Uelbekin əsəri azərbaycanca çap edildi
Hələ çap ərəfəsində bəziləri proqnoz vermişdi ki, “La carte et le territoire” (Xəritə və ərazi) əsəri noyabrda Fransanın ən nüfuzlu ədəbi mükafatı olan “Qonkur”u qazana bilər.
Yeni əsər bir gənc rəssamın yol xəritələrindən sənət əsəri yaratması haqqındadır.
Amma Fransanın ədəbiyyat saytlarından biri - Slate.fr məşhur yazıçını plagiatlıqda - "Vikipediya" İnternet ensiklopediyasından və bir sıra başqa saytlardan mətnləri istinadsız əsərinə daxil etməkdə günahlandırır.
Sayt iddia edir ki, yazıçı “Vikipediya”dan siyasi fəal Frédéric Nihous, Beauvais şəhəri və ev milçəyi haqda bəzi məlumatları olduğu kimi götürüb öz əsərinə daxil edib.
Bundan başqa onu ittiham edirlər ki, Fransanın cənubundakı bir otel haqda məlumatları həmin otelin saytından “oğrulayıb”.
Həmçinin Fransa Daxili İşlər Nazirliyinin saytından yüksək vəzifəli polis rəsmilərinin rolu haqqında məlumatları olduğu kimi öz əsərinə köçürüb.
Hazırda İspaniyada yaşayan Uelbek plagiat ittihamlarını “gülünc” adlandırıb.
O deyib ki, bu məsələdə “plagiat” sözünü işlədənlərin ədəbiyyatın adi anlayışlarından xəbəri yoxdur.
“Bu mənim yazı metodumun bir hissəsidir”.
Yaziçi deyib ki, sözügedən mətn parçalarına bir “pəçvök” kimi yanaşıb – onları “bir-birinə tikib”.
Uelbek Borxes və başqa məşhur yazıçıları nümunə göstərib, onların “real” mətnləri ədəbi materiala çevirməsini xatırladıb.
Slate.fr saytı isə qeyd edir ki, bütün hallarda başqasının beyninin məhsulundan icazəsiz olaraq istifadə etmək qanunsuzdur.
Uelbekin əsərləri birinci dəfə deyil ki, qalmaqal yaradır.
2001-ci ildə onu “Platforma” əsərinə görə məhkəməyə çəkmişdilər.
Uelbeki kitabda İslamla bağlı yazdıqlarına görə dini ədavəti qızışdırmaqda ittiham etmişdilər.
Amma o zaman yazıçıya bəraət verilmişdi.
Bundan başqa Uelbek əsərlərinin birində anasının obrazını yaratmış, anası da buna görə onu “yalançı”, “fırıldaqçı” və “parazit” adlandırmışdı.
“Telegraph”
Həmçinin oxu
Uelbekin əsəri azərbaycanca çap edildi
