Yəməndə prezidentin istefası tələbi ilə aksiyalar davam edir

Yəmənin paytaxtı Sanada prezident Ali Abdulla Salehin istefası tələbi ilə etiraz aksiyaları davam edir. Etirazçıların əksəriyyəti tələbələrdir.

Yəməndə hökumət əleyhinə etiraz aksiyaları Tunis və Misirdən sonra başlayıb.
Etirazçılar prezident Ali Abdulla Salehin 30 illik hakimiyyətinə son qoyulmasını, ölkədə demokratik islahatlar keçirilməsini tələb edirlər.