- 2009-cu ildən bəri Azərbaycanda vəziyyətin daha da pisləşməsi haqda fikrə birmənalı yanaşmıram. Çünki insan hüquqlarının müxtəlif sahələri var. 2009-cu ildən bəri o sahələrdə qismən də olsa, xırda da olsa irəliləyişlər olub. Amma, sözsüz, elə problemlər də var ki, həll olunmamış qalır. 2009-cu ildən bəri Azərbaycanın hər yerində mülkiyyət hüquqlarının pozulması elə bir həddə çatıb ki, susmaq mümkün deyil. Biz bunu pisdən də pis qiymətləndiririk.
Ən müsbət cəhət isə o olub ki, bu ilin iyununda siyahımızda olan siyasi məhbusların böyük qismi azad edilib. Bu, təqdirəlayiqdir. Baxmayaraq ki, onların yerini «aprel məhbusları» tutdu. Odur ki, bu hesabatla qismən razıyam.