“Azərbaycan otellərindən yalnız 15, 7 faizinin adı Azərbaycan dilindədir”
Bu sözləri AzadlıqRadiosunun “İz” proqramına Söz Azadlığını Müdafiə Fondunun təmsilçisi Nəzirməmməd Quliyev söylədi.
XOŞAGƏLMƏZ VƏZİYYƏTLƏ QARŞILAŞDIQ
Beynəlxalq Ana Dili Günü ərəfəsində dövlət dilinin işlənməsi barədə monitorinqləri davam etdirən Fondun təmsilçisi yenə vəziyyətin ürəkaçan olmadığını dedi: “Sonuncu monitorinqimiz Mədəniyyət və Turizm Nazirliyinin rəsmi internet resursunda rəsmi qeydiyyatdan keçirilmiş məlumatların əsasında idi. 57 otel, 137 turizm şirkəti və 48 restoran adını araşdırdıq. Həmişə olduğu kimi, xoşagəlməz vəziyyətlə rastlaşdıq. Otel adlarının yalnız 15, 7 faizi Azərbaycan dilində idi. Yerdə qalan faiz müxtəlif əcnəbi dillərdə qeydiyyatdan keçib və bu ad altında da fəaliyyət göstərir”.
TURİZM ŞİRKƏTLƏRİ DƏ ƏCNƏBİ ADLAR DAŞIYIR
Nəzirməmməd Quliyev 137 turizm şirkətinin adının da onları təəccübləndirdiyini bildirdi: ” Onların da adlarının 17, 6 faizi Azərbaycan dilində idi. 82-83 faizi xarici dildə yazılıb”.
RESTORANLARDA VƏZİYYƏT BİR AZ ÜRƏKAÇANDIR
Müsahibimiz restoran adlarında vəziyyətin nisbətən yaxşı olduğunu söylədi: “48 restoranın 33, 6 faizinin adı dövlət dilində idi. 66,4 faizi əcnəbi dildə...”
KONKRET QURUMA EHTİYAC VAR
Fondun təmsilçisi bütün bunları yenə ölkədə konkret bir qurumun olmaması ilə bağladı: “Hamı bir-birinin üstünə atır. Konkret bir qurum fəaliyyət göstərməlidir. Bir sıra xarici ölkələrin təcrübəsində olduğu kimi...”.
BU VƏZİYYƏTDƏN NECƏ ÇIXIBLAR?
N. Quliyev bir daha Türkiyədə vaxtilə M.K. Atatürkün yaratdığı Türk Dil Qurumunu misal çəkdi: “ 1932-ci ilə qədər vəziyyət o həddə çatıbmış ki, türk dili ölkədə 30 faiz, əcnəbi dillər 70 faiz işlənirmiş. Bu qurum yaranandan sonra faizlər tam əksinə dəyişib. Bizdə də belə quruma ehtiyac var”.
Sonda Fondun təmsilçisi bütün dünyada ana dilinin qorunması uğrunda mübarizə aparanları Beynəlxalq Ana Dili Günü münasibətilə təbrik etdi.
Bu sözləri AzadlıqRadiosunun “İz” proqramına Söz Azadlığını Müdafiə Fondunun təmsilçisi Nəzirməmməd Quliyev söylədi.
XOŞAGƏLMƏZ VƏZİYYƏTLƏ QARŞILAŞDIQ
Beynəlxalq Ana Dili Günü ərəfəsində dövlət dilinin işlənməsi barədə monitorinqləri davam etdirən Fondun təmsilçisi yenə vəziyyətin ürəkaçan olmadığını dedi: “Sonuncu monitorinqimiz Mədəniyyət və Turizm Nazirliyinin rəsmi internet resursunda rəsmi qeydiyyatdan keçirilmiş məlumatların əsasında idi. 57 otel, 137 turizm şirkəti və 48 restoran adını araşdırdıq. Həmişə olduğu kimi, xoşagəlməz vəziyyətlə rastlaşdıq. Otel adlarının yalnız 15, 7 faizi Azərbaycan dilində idi. Yerdə qalan faiz müxtəlif əcnəbi dillərdə qeydiyyatdan keçib və bu ad altında da fəaliyyət göstərir”.
TURİZM ŞİRKƏTLƏRİ DƏ ƏCNƏBİ ADLAR DAŞIYIR
Nəzirməmməd Quliyev 137 turizm şirkətinin adının da onları təəccübləndirdiyini bildirdi: ” Onların da adlarının 17, 6 faizi Azərbaycan dilində idi. 82-83 faizi xarici dildə yazılıb”.
RESTORANLARDA VƏZİYYƏT BİR AZ ÜRƏKAÇANDIR
Müsahibimiz restoran adlarında vəziyyətin nisbətən yaxşı olduğunu söylədi: “48 restoranın 33, 6 faizinin adı dövlət dilində idi. 66,4 faizi əcnəbi dildə...”
KONKRET QURUMA EHTİYAC VAR
Fondun təmsilçisi bütün bunları yenə ölkədə konkret bir qurumun olmaması ilə bağladı: “Hamı bir-birinin üstünə atır. Konkret bir qurum fəaliyyət göstərməlidir. Bir sıra xarici ölkələrin təcrübəsində olduğu kimi...”.
BU VƏZİYYƏTDƏN NECƏ ÇIXIBLAR?
N. Quliyev bir daha Türkiyədə vaxtilə M.K. Atatürkün yaratdığı Türk Dil Qurumunu misal çəkdi: “ 1932-ci ilə qədər vəziyyət o həddə çatıbmış ki, türk dili ölkədə 30 faiz, əcnəbi dillər 70 faiz işlənirmiş. Bu qurum yaranandan sonra faizlər tam əksinə dəyişib. Bizdə də belə quruma ehtiyac var”.
Sonda Fondun təmsilçisi bütün dünyada ana dilinin qorunması uğrunda mübarizə aparanları Beynəlxalq Ana Dili Günü münasibətilə təbrik etdi.
