İsmayıllıda etiraz aksiyasının baş verməsi xəbərləri Azərbaycan cəmiyyətinə sosial şəbəkələrdən sızdı.
Həmin gecə səhərə qədər Facebook xəbər mənbələrindən biri kimi qaldı. Sosial şəbəkələr medianı üstələyirmi?
Bu haqda media ekspertləri Seymur Kazımov və Səbinə Vaqifqızı danışır.
Səbinə Vaqifqızı:
- İsmayıllı hadisələri sosial mediada böyük reaksiya doğurdu. Mən özüm də ilk ordan xəbər tutdum. İlk olaraq Twitter mikrobloqunda məlumatlar, daha sonra video yayıldı. Həmin vaxt ənənəvi mediada bu hadisənin ruhu belə duyulmurdu.
- Hadisədən xəbərdar olmaq yetmir. İnsanlarda hadisə haqqında bir fikir yaranmalıdır. Səthi məlumatlar, manupulyasiya insanları yalnış yönləndirir. Ənənəvi media oz işini peşəkarcasına yerinə yetirsə, insanlarda doğru ictimai rəy yaranır. Əksinə televiziyalar etirazçıları göstərib aksiyada iştirak etməyənləri dindirir.
- Sosial mediada hakimiyyət nümayəndələri də var. Lakin o qədər də təsir inkanları yoxdur məncə. Çünki sosial medianın gücünü, fəlsəfəsini anlamayanlar var. Bir neçə il sonra vəziyyət dəyişəcək.
Seymur Kazımov:
Arxiv foto
- Mən də ilk məlumatları Facebookdan aldım. Ənənənvi media, xüsusilə televiziya jurnalistikası həmişə olduğu kimi hadisəni operativ və obyektiv işıqlandırmadı. Daha sonra isə yalnış yönəldən materiallar hazırlandı. Televiziyalar insanları manupulyasiya etməyə çalışdılar. Etiraz səsini eşitdirmək istəyənlər bir növ alçaldıldı.
- Televiziyaya inam məsələsini sosial şəbəkələr sındıra bilmir. Yaşlı nəsilin internetdən istifadəsi azdır və onlar televiziyadan izləyirlər və inanırlar.
- Sosial şəbəkələrin etibarlılığı mümkün deyil. Yanlış məlumat da yayıla bilər. Ola bilər ki, dezinformasiyalar paylaşılsın. Biz onları mühakimə edə bilərik. Təbii ki, məlumatlar dəqiqləşdirilmələdir. Ənənəvi mediada yalan məlumat yolverilməzdir.
Ülviyyə Əsədzadə:
- Qərb mediası “ərəb baharı” zamanı sosial mediayla hesablaşmağa başladı. Yeni bir ştat açıldı. Sosial media üzrə redaktor adlanan yeni ştat açıldı. Onun vəzifəsi sosial şəbəkələrdə medianın materialları yaymaq, burda paylaşılan məlumatları toplamaq, analiz etmək, planlaşdırmada müzakirə etmək və mövzu halına gətirməkdir.
Seymur Kazımov:
Sosial media alətdir. Mən jurnalist kimi peşəkarlıq görmürəm. Ənənəvi media bu alətdən istifadə edib imkanlarını genişləndirə bilər. Xəbərin izinə düşüb, onu inkişaf etdirə bilər.
Vüsalə Mahirqızı:
Vüsalə Mahirqızı
- Ənənəvi medianın internet mediaya uduzmasını biz çoxdan görürük. Məsələ burasındadır ki, sosial mediani yayan insanlar məsuliyyət daşımır, onların yalnız vicdan məsuliyyəti var. Medianın isə bir sıra öhdəlikləri var. Məhz buna görə,operativlik baxımdan ənənəvi medianın uduzması təbiidir. Ancaq ilk məlumatı sosial mediadan ala bilərik. Mən buna xəbər deməzdim.
Adnan Hacızadə:
- Peşəkar, tanınmış media qurumlarına inam var. Vətəndaş jurnalistlərinin isə kimliyini bilmirik. Onların peşəkarlığından xəbərdar deyilik. Üstünlüyü budur ki, müxtəlif subyektiv fikirlər toplanır və baş verənlər barədə ümumi mənzərə yaranır.
