Milli Şuranın seçkilərin nəticələrinə etiraz mitinqi
Azərbaycanda keçirilmiş prezident seçkisinin nəticələrinə etiraz edən Milli Şura Bakı şəhərinin Yasamal rayonunda mitinq keçirib. Mitinqdən sonra saxlananlar olub.
Prezident seçkilərinin nəticələrinə etiraz edən Milli Şuranın öz tərəfdarları ilə bu gün keçirdiyi etiraz mitinqindən Abbas Atilayın obyektivinə düşən anlar.
19:4612.10.2013
Mitinqdən sonra fotoreportyor Emin Əliyev zorakılığa məruz qalıb.
Bu barədə AzadlıqRadiosuna o özü məlumat verib. Dediyinə görə, çənəsindən xəsarət alıb:
«Mən çəkiliş aparanda vurdular. Məni vuranın üzünü görə bilmədim, amma polis formasında idi. Çənəmdən xəsarət aldım. Xəstəxanada tikiş qoydular».
19:2512.10.2013
Milli Şuranın 12 oktyabr mitinqindən sonra azadxeber.net internet qəzetinin xüsusi müxbiri Pərvin Zeynalı Yasamal polisi saxlayıb.
Bu barədə Azadxeber.net portalı məlumat yayıb.
Jurnalist 1 saatdan çox polis bölməsində saxlandıqdan sonra buraxılıb. Jurnalist AzadlıqRadiosuna bildirib ki, polis onu saxlayan zaman onun çəkiliş aparmasına mane olublar və fotoaparatını əlində alıblar.
