14:25
18.2.2014
Ukrayna parlamenti bu gün yeni baş naziri təsdiq etməlidir. Fevralın 18-də yenidən fəal etirazlara başlayan müxalifətin tələbləri Ukraynanı 2004-cü ildə olduğu kimi parlament respublikasına qaytarmaq, bunun üçün ölkə konstitusiyasında müvafiq dəyişikliklərin edilməsdir. Prezident Yanukovych belə bir tələbin həyata keçrirlməsinə aylarla vaxt tələb olunduğunu deyir. Müxalifət liderləri bu fikirlə razı deyillər. Avromaydan liderləri ilə prezident arasında son həftələr gedən danışıqların əsas problemi də məhz bundan ibarətdir. Lakin müəyyən razılıqlar da əldə olunub. Fevralın 17-də hökumət ötən toqquşmalarda həbs olunan Avromaydan fəallarını azad edəndən sonra etirazçılar noyabrdan qərargah kimi istifadə etdikləri Kiyev şəhər bələdiyyəsinin binasını tərk ediblər.
Fevralın 18d-ə sosial şəbəkələrdə yayılan videoda Kiyevdə Parlamentə yürüş edənlərə yaşayış binalarının damından səs və qaz güllərləri atıldığı görünür.
Fevralın 18d-ə sosial şəbəkələrdə yayılan videoda Kiyevdə Parlamentə yürüş edənlərə yaşayış binalarının damından səs və qaz güllərləri atıldığı görünür.
13:53
18.2.2014
Siyasi islahatlar tələb edən Avmaydan hərəkətə keçir. Kiyevdə yeni toqquşmalar http://t.co/vxfwUa7cTQ
— AzadliqRadiosu (@RadioAzadliq) February 18, 2014
13:50
18.2.2014
Paytaxt Kiyevdə bir neçə min etirazçı Azadlıq meydanından parıamentinə doğru yürüşə başlayıb.
Etirazçıların ön cərgəsində müxalif partiyalardan olan deputatlar durur.
“Dinc hücum” adlı yürüşə qatılanlar əllərində Ukrayna bayraqları və müxalif partiyalarının rəmzlərini daşıyan bayraqlar daşıyırlar. Ukrayna Ali Radasına doğru irəliləyən etirazçılar deputatlardan tələb edirlər ki, ölkəni siyasi və sosial böhrandan çıxarsınlar. Müxalifət 2004-cü il Konstitusiyasının geri qaytarılmasını və Avromeydandakı nümayişlərdə fəallara qarşı zorakılıq edənlərin cəzalandırılmasını tələb edirlər.
Eyni vaxtda Kiyevin Mariinski parkında hökumət tərəfdarları toplaşıblar. Avromaydan qarşı olan bu adamalrın ölkənin müxtəlif regionlarından gəldiyi bildirilir.