-
Krımın Azərbaycan icmasının başçısı Rəhim Hümbətovun AzadlıqRaduosuna bildirdiyinə görə, 2-ci Dünya Müharibəsi gedərkən, bu yarımadanın dağlarında – 8-ci Azərbaycan partizan dəstəsi döyüşürmüş. O zaman Azərbaycan Kommunist partiyası Mərkəzi Komitəsinin birinci katibi Mircəfər Bağırovun adını daşıyan həmin partizan dəstəsinə Məmməd Əliyev komandirlik edirmiş.
Cənub birləşməsi 7-ci partizan briqadasının komandiri Vixmanın imzaladığı «Xidməti xasiyyətnamə»də yazılıb ki: «Əliyevin rəhbərlik etdiyi dəstə 300 zabit və əsgəri əsir götürüb, 400-dən çox əsgər və zabiti öldürüb və 5 ağır topu, azı 50 pulemyotu, 350 tüfəngi və s.-i qənimət kimi ələ keçirib. Bütün döyüş və əməliyyatlarda yoldaş Əliyev igidlik və mərdlik nümunəsi göstərib».
İcma rəhbərinin sözlərinə görə, «Yalta tarix-mədəniyyət muzeyində qorunan bir sənəddə deyilir ki, Məmməd Kərim oğlu Əliyev Yalta bölgəsindəki hücum əməliyyatlarını yaxşı apardığından tapança ilə mükafatlandırılıb».
Yaltanı faşistlərdən azad edən 323-cü atıcı alayının komandiri Cəlil Nəcəbova (soyadı məlumatda belə yazılıb – red.) müharibədən sonra «Yaltanın fəxri vətəndaşı» adı verilib. 77-ci Azərbaycan diviziyası Krımın azad edilməsi uğrunda döyüşlərin ən fəal iştirakçılarındandır. Azərbaycanlılar digər hərbi birləşmələrin – gürcü və erməni diviziyalarının da tərkibində döyüşüblər.
Rəhim Hümbətov xatırladıb ki, Sevastopolda - «Sapun-Qora»da Azərbaycanın qəhrəman oğul və qızlarının şərəfinə xatirə abidəsi ucaldılıb. Ötən il həmin abidəni Krımın azərbaycanlı icmasının təşəbbüsü ilə Azərbaycan hökuməti bərpa edib.
Krımın Azərbaycan icmasının başçısı Rəhim Hümbətovun AzadlıqRaduosuna bildirdiyinə görə, 2-ci Dünya Müharibəsi gedərkən, bu yarımadanın dağlarında – 8-ci Azərbaycan partizan dəstəsi döyüşürmüş. O zaman Azərbaycan Kommunist partiyası Mərkəzi Komitəsinin birinci katibi Mircəfər Bağırovun adını daşıyan həmin partizan dəstəsinə Məmməd Əliyev komandirlik edirmiş.
Cənub birləşməsi 7-ci partizan briqadasının komandiri Vixmanın imzaladığı «Xidməti xasiyyətnamə»də yazılıb ki: «Əliyevin rəhbərlik etdiyi dəstə 300 zabit və əsgəri əsir götürüb, 400-dən çox əsgər və zabiti öldürüb və 5 ağır topu, azı 50 pulemyotu, 350 tüfəngi və s.-i qənimət kimi ələ keçirib. Bütün döyüş və əməliyyatlarda yoldaş Əliyev igidlik və mərdlik nümunəsi göstərib».
İcma rəhbərinin sözlərinə görə, «Yalta tarix-mədəniyyət muzeyində qorunan bir sənəddə deyilir ki, Məmməd Kərim oğlu Əliyev Yalta bölgəsindəki hücum əməliyyatlarını yaxşı apardığından tapança ilə mükafatlandırılıb».
Yaltanı faşistlərdən azad edən 323-cü atıcı alayının komandiri Cəlil Nəcəbova (soyadı məlumatda belə yazılıb – red.) müharibədən sonra «Yaltanın fəxri vətəndaşı» adı verilib. 77-ci Azərbaycan diviziyası Krımın azad edilməsi uğrunda döyüşlərin ən fəal iştirakçılarındandır. Azərbaycanlılar digər hərbi birləşmələrin – gürcü və erməni diviziyalarının da tərkibində döyüşüblər.
Rəhim Hümbətov xatırladıb ki, Sevastopolda - «Sapun-Qora»da Azərbaycanın qəhrəman oğul və qızlarının şərəfinə xatirə abidəsi ucaldılıb. Ötən il həmin abidəni Krımın azərbaycanlı icmasının təşəbbüsü ilə Azərbaycan hökuməti bərpa edib.
