DONETSK SEPARATÇILARININ LİDERİNİN ETİRAFI

_{Separatçı Donetsk xalq respublikası rejiminin başçısı etiraf edib ki, Ukraynada 4000-ə qədər Rusiya hərbçisi döyüşür. Brüsseldə bəyanat verən NATO nümayəndəsi deyir ki, 1000 nəfərə yaxın Rus hərbçisi var. İlovaysk şəhərində mühasirəyə düşən Ukrayna könüllülər batalyonunun komandiri, arxadan onlara qarşı 2 Rusiya alaynın hücum etdiyini bildirir. Rəqəmlər müxtəlifdir, lakin müharibə uzandıqca Rusiyanın Ukraynaya hərbi müdaxiləsini göstərən faktların sayı artır. Kiyevdə artıq hər şeyə öz adını vermək, Rusiya ilə bütün diplomatik münasibətləri pozub, qonşu ölkə ilə müharibə aparan tərəf kimi davranmaq çağırışı səslənir.}

ÇEÇENLƏR UKRAYNAYA GİRƏN RUS QOŞUNLARI SIRASINDA

Avqustun 27-də Ukrayna Rusiya qoşunlarının öz ərazisinə soxulmasını bəyan etdi. Prezident Petro Poroshenko bildirdi ki, Donetsk vilayətinin Amvrosievka, Starobeşevo və Novoazovsk yaşayaış məntəqələrinə Rusiya ərazisində hərbi hücumlar həyata keçirilib. Azov dənizi sahilində, Rusiya ilə sərhəddə yerləşən sonuncu şəhər hazırda hərbi əməliyyatlar gedən ərazidən 100 km aralıdadır. Sosial mediada yayılan bu videonun həmin şəhərdə, Novoazovskda çəkildiyi bildirlir. AzadliqRadiosunun onun həqiqiqiliyini yoxlamak imkanları yoxdur. Videonu çəkənin çeçen əsilli olduğu ehtimal edilir. Onun söhbət etdiyi digər əsgərlər də, çeçen dilində danışırlar.

«RUSİYANIN «UKRAYNAYA SOXULMASI» MOSKVAYA BAHA BAŞA GƏLƏCƏK»

ABŞ Prezidenti Barack Obama deyib ki, Rusiyanın «Ukraynaya soxulması» Moskvaya baha başa gələcək.

Barack Obama Almaniya kansleri Angela Merkellə danışdığını deyib və əlavə edib ki, hər ikisinin qənaətinə görə, Rusiya hərəkətinə görə cavab verməlidir.

ABŞ prezidenti Ukraynalı həmkarı Petro Poroshenkonun sentyabrın 18-də Ağ Evə gələcəyini söyləyib.

Obama bu barədə jurnalistlərə Vaşinqtonda BMT-nin Təhlükəsizlik Şurasının Ukrayna ilə bağlı çağrılan fövqəladə iclasından sonra deyib.