Əhalinin təbii qaza görə 120 milyon yeni manat borcu var. «Bakqaz»ın direktoru Tahir Əliyev jurnalistlərlə görüşdə belə deyib. Cənab Əliyev onu da bildirib ki, qaz haqqının ödəniş səviyyəsində artım müşahidə edilir. Belə ki, bu ilin yanvarında qaz pulunun yığım səviyyəsi 14 faiz, avqustda 72 faiz, sentyabrda isə 85 faiz olub. Cənab Əliyevin sözlərinə görə, bəzi rayon və qəsəbələrdə qaz təchizatının müvəqqəti dayandırılması nəticəsində ödəmələr artıb.