-
Azərbaycanda bu il Həcc ziyarəti üçün ödənişlər ABŞ dollarının kursuna uyğun aparılacaq.
Qafqaz Müsəlmanları İdarəsindən apa-ya verilən məlumatda belə deyilir.
İdarə bunu manatın məzənnəsində baş verən dəyişikliklə izah edib. «Manatla ödənişlər həmin günün kursuna uyğun olaraq dollar hesabı ilə götürüləcək», deyə QMİ-dən bildirilib.
Zəvvarlara iki qiymət təklif olunacaq. Daha yaxşı hoteldə qalmaq, daha çeşidli yemək menyusu, o cümlədən 4 nəfərlik otaqda yerləşmə 5 min 750 dollara başa gələcək. Nisbətən ucuz hotellərdə, 6 nəfərlik otaqlarda qalmaq üçünsə təxminən 1000 dollar az - 4700 dollar ödənməlidir.
Həcc ziyarəti üçün sənəd qəbulu yalnız QMİ-də aparılır.
Yaxın Şərqdə baş verənlərə görə azərbaycanlı zəvvarların yalnız təyyarə ilə səfərə çıxmasına imkan veriləcək, avtobusla ziyarət təşkil edilməyəcək.