-
Avropa Oyunlarına rayonlarda da hazırlıq işləri başlanıb. Rayonlarda işçi qrupları fəaliyyət göstərir. Məşəlin keçəcəyi yolların hər iki tərəfində adamların düzülməsi üçün yerlər büdcə təşkilatları arasında bölüşdürülüb.
Avropa Oyunları məşəli aprelin 29-da Lənkəranda, mayın 3-də Cəlilabadda alovlanacaq. Həmin günləri bu rayonlarda Alov festivalı keçirilməsi nəzərdə tutulub.
Verilən məlumatlara görə, festival günləri məktəblərdə dərslər, büdcə təşkilatlarında isə işlər dayandırılacaq.
Aprelin 26-da Bakıda I Avropa Oyunlarının məşəli alovlandırılıb.
Avropa Oyunları Azərbaycanda iyunun 12-28-də keçiriləcək.