“Çox mükəmməl bir orfoqrafiya lüğəti hazırlayacağıq”
Azərbaycan Milli Elmlər Akademiyası (AMEA) Nəsimi adına Dilçilik İnstitutunun direktoru, akademik Tofiq Hacıyev APA-ya müsahibəsində deyib ki, yeni və mükəmməl orfoqrafiya lüğəti hazırlanır.
Onun sözlərinə görə, son çap olunmuş Azərbaycan dilinin orfoqrafiya lüğətində çoxlu qüsurlar var. Sonuncu orfoqrafiya lüğətində həm də orfoqrafiya qaydaları verilməyib. 1958-ci ildə çap olunmuş orfoqrafiya lüğətində 60 səhifəlik izahat, qaydalar təqdim olunub. Amma son çap olunmuş lüğətdə yalnız 5-6 səhifəlik izahat var.
Partiya sədrlərindən kimin, nə qədər kredit borcu var?
«Yeni Müsavat» qəzeti yazır ki, banklara kredit borcları olanlar sırasında partiya sədrləri də var.
KXCP sədri Mirmahmud Mirəlioğlu qəzetə deyib ki, «mənim əvvəllər də kreditim olub, indi də var. İnşallah, bağlamaq üzrəyəm».
Xalq Partiyasını sədri Pənah Hüseyn deyib ki, ona kredit verən olmadığı üçün borcu da yoxdur: «Bir neçə il öncə mənə təcili 5 min manat lazım oldu. Üç banka müraciət etdim, vermədilər».
ADP sədri Sərdar Cəlaloğlu isə banka 20 min dollar borcunun olduğunu bildirib: «Beynəlxalq Banka 20 min kredit borcum var. Ödəmək problemdir, ona görə də iki ildən artıqdır ki, ödəyib qurtara bilmirəm».
Vətəndaş və İnkişaf Partiyasının sədri Əli Əliyev də banklardan birinə kredit borcu olduğunu deyib.
Zakir Qaralov: "Yanğına ilkin səbəb üzlük örtüyünün keyfiyyətsizliyidir"
“Yanğına ilkin səbəb binanın üzlük örtüyünün lazımı keyfiyyətdə olmamasıdır. İcra orqanlarından təhvil-təslim aktları götürülüb. Bu hərəkətə lazımi qiymət veriləcək”.
Bunu jurnalistlərə hadisə yerində olan baş prokuror Zakir Qaralov deyib. Zakr Qaralov hadisə zamanı 4 nəfərin öldüyünü bildirib.
Yanğınla bağlı Fövqəladə Hallar, Daxili İşlər nazirlikləri və Baş Prokurorluq birgə istintaq qrupu yaradıb.
Ofşordakı pullar, oğurlanan kapitala amnistiya?
Media məlumatlarına görə, Azərbaycanda offşor zonalardan kapitalın geri qaytarılmasını nizamlayan (deoffşorizasiya) qanun layihəsi hazırlanır. Məlumatda deyilir ki, artıq maliyyə offşorlarında yerləşdirilmiş kapitala amnistiya verilməsinin hüquqi əsasları işlənib hazırlanır