-
ABŞ Dövlət Departamenti Kubanı terroru dəstəkləyən ölkələr siyahısından çıxarıb.
Aprelin 14-də prezident Barack Obama Kubanın son 6 ayda beynəlxalq terrorizmlə dəstək vermədiyini bildirmişdi.
Kuba İspaniyada ETA terror təşkilatına bağlı olan basklara və Kolumbiya üsyançılarına dəstək verdiyi üçün 1982-ci ildən terroru dəstəkləyən ölkələr siyahısına daxil edilmişdi.
Kubanın bu siyahıda olması iki ölkə arasında münasibətlərin normallaşması qarşısında əsas maneələrdən biri idi.
ABŞ-ın terrorizmi dəstəkləyən ölkələr siyahısında qalan ölkələr İran, Sudan və Suriyadır.