Səfirin «facebook» qeydləri hökuməti bir-birinə vurdu
Azərbaycanın Avropa İttifaqında nümayəndəliyinin rəhbəri (2000-2006), Avropa Şurasında daimi nümayəndəsi (2007-2012) olmuş, hazırda isə İslam Əməkdaşlıq Təşkilatının Avropa İttifaqı yanında nümayəndəsi vəzifəsini daşıyan Arif Məmmədov «satqınçılıqda» və «xəyanətdə» ittiham olunur. Səbəb onun «facebook» səhifəsində yazdığı bir neçə qeyddir.
Bakıda mayın 19-da penoplast üzlüklü binada 15 nəfərin ölümü ilə nəticələnən yanğından sonra A.Məmmədov belə bir status paylaşıb:«Bu faciə hər bir azərbaycanlının kədəri və faciəsidir. Allah xalqımıza səbri qalıbsa, səbir versin. Heç bir xalq bu qədər haqsızlığa və biabırçılığa dözməz. Xalqın zülmündən milyonlar əldə edən məmurlar çox səbirli xalqımızın qəzəbindən qorxmurlarsa, Allahın qəzəbindən qorxsunlar». AzadlıqLive-da
1993-cü ilin 4 iyun qiyamı
1993-cü ilin 4 iyununda Gəncədə milli ordunun hərbi hissəslərindən birinin ölkə rəhbərliyinə tabe olmaması az keçmiş hakimiyyətin devrilməsi ilə nəticələndi. Müstəqil hüquqşünasların fikrincə 1993-cü ilin iyununda baş verənlərin qiyam adlandırılması üçün daha ciddi əsaslar var.Hələ 1992-ci ilin fevralında prezident Əbülfəz Elçibəy 709 saylı hərbi hissənin ləğvi haqqında sərəncam vermişdi. Ancaq bu sərəncamı həmin hissəyə faktiki rəhbərlik edən Sürət Hüseynov icra etməkdən imtina etmişdi.O, nəinki sərəncamda qeyd edildiyinin əksinə olaraq Yevlax Yun Zavoduna rəhbərlik etməyə getmədi, üstəlik Kəlbəcərin işğalından sonra, prezidenti həmin hərbi hissənin bərpasına inandıra bildi.
Allahşükür Paşazadə Zaqatala və Şamaxıdakı bəzi dini icmalara xəbərdarlıq edir
İyunun 4-də Qafqaz Müsəlmanları İdarəsinin sədri Allahşükür Paşazadə deyib ki, Zaqatalanın Uzuntala kəndi başda olmaqla 4 kəndində, Şamaxının və Qobustanın 1 kəndində yerləşən məscidlərdəki dini icmalar qeydiyyatdan keçməyiblər və QMİ ilə heç bir əməkdaşlıq etmirlər:«Bizə bildirirlər ki, başqa yerə tabedirlər. Sən bu ölkədə yaşayırsansa, necə başqa yerə tabe ola bilərsən?! Onların fəaliyyəti nə Azərbaycan qanunlarına, nə də dini normalara uyğundur. Ona görə də, biz Dövlət Komitəsi qarşısında bu icmaların fəaliyyətinin dərhal dayandırılması məsələsini qaldırırıq».
Yaponiya Qodzillaya şəxsiyyət vəsiqəsi verdi və Tokioda qeydiyyata aldı
Yapon filmlərinin məşhur dinozavrı Qodzilla Tokionun Sindzüku rayonunda qeydiyyata düşüb və ona şəxsiyyət vəsiqəsi verilib. Qodzilla 1954-cü ildə İsiro Hondanın filmində ilk dəfə peyda olandan sonra Yaponiya pop mədəniyyətinin tərkib hissəsinə çevrilib.