Haker şirkət Azərbaycanla əməkdaşlıq edirmiş?
Dövlətlərə öz vətəndaşlarının kompüterlərinə virus salıb, onları izləməyi üçün virus satan şirkət "HackingTeam" özü hack edilib. Hakerlər 500 GBdan çox məlumat yayıblar.Bu şirkətin aktiv müştərilərinin arasında Azərbaycan Müdafiə Nazirliyi də var. Müdafiə nazirliyinin bu məlumata cavabı nədir? Öyrənib, sizə bildirəcəyik
Leyla Əliyeva deputat ola bilər
Leyla Əliyeva 2015-ci ilin noyabr ayında keçiriləcək parlament seçkilərində hakim Yeni Azərbaycan Partiyasının (YAP) deputatlığa namizədi ola bilər. Bunu YAP icra katibinin müavini, deputat Siyavuş Novruzov Modern.az saytına eksklüziv açıqlamasında deyib. Siyavuş Novruzov bildirib ki, YAP-da Leyla Əliyevanın namizəd olması ilə bağlı yekdil fikir var.
Şirvandakı zavod 2 il əvvəl istifadəyə verilmişdi
Bu gün partlayış olan Müdafiə Sənayesi Nazirliyinin Şirvandakı Telemexanika zavodu cəmi iki il öncə istifadəyə verilib.AzNews.az xəbər verir ki, telemexanika zavodunun iriçaplı patronların istehsalı mərkəzi 2013-cü ilin iyulunda açılışı olub. Zavodun açılışında prezident İlham Əliyev də iştirak edib. Zavodda il ərzində üç növbəli iş rejimində üç növdə 7 milyon patron istehsalı nəzərdə tutulub. Mərkəzdə 106 dəzgah quraşdırılıb. Mərkəzdə 264 nəfər ixtisaslı mütəxəssis çalışır.
3 nəfər Bakıya göndəriləcək
Şirvan şəhər Mərkəzi Xəstəxanasının Travmatologiya Şöbəsinin müdiri Tofiq Hüseynov AzadlıqRadiosuna deyib ki, xəstəxanaya gətirilənlərdən 13 nəfərinə ilkin amblator tibbi yardım göstərilib. 6 nəfər isə xəstəxanaya yerləşdirilib. Tofiq Hüseynov onlardan 3 nəfərinin vəziyyətinin daha ağır olduğunu bildirib:"Həmin xəstələr Bakıya göndəriləcək. Digər 3 nəfərsə bizim xəstəxanada müalicəsi davam etdiriləcək".