Jurnalist, müəllim, şair, tərcüməçi...
«Bakıda Avropa Oyunlarının son günündə, iyunun 24-də Avropa Olimpiya Komitələrinin prezidenti Pat Hickey kütləni əli ilə salamladıqdan sonra bir elan etmişdi. «Azərbaycanın gələcəyi parlaqdır»- demişdi. Bundan bir ay sonra, iyulun 24-də Azərbaycan hakimiyyəti ölkənin ən tanınmış jurnalisti, Avropa Oyunları da daxil, hökumətin korrupsiyasına dair mürəkkəb təhqiqatlar aparmış Xədicə İsmayılı mühakimə etməyə hazırlaşır». (Yazının davamı burada)
İçəri buraxmırlar
Məhkəmə binası önündə sıxlıq yaranıb, jurnalistlər və səfirliklərin nümayəndələri içəri buraxılmır. Məhkəmənin qapıları bağlanıb.
Məhkəmə nəzarətçiləri bunu belə izah ediblər: «İçəri keçənləri yoxlamağa imkan verilmir».
Fransa səfirliyinin əməkdaşı məhkəmə işçilərinə etirazını bildirib ki, diplomatın önünü kəsməyə heç kimin ixtiyarı yoxdur.
«Xədicə» qışqırdılar
Jurnalistlərin hamısı içəri buraxılmayıb.
Artıq məhkəmə prosesi başlayıb. İddialar var ki, ictimai-siyasi şəxsləri, müstəqil media nümayəndələrini buraxmamaq üçün zalda prosesə aidiyyəti olmayan adamlar otuzdurulub ki, içəri dolu görünsün. İçəri buraxılmayanlar məqsədli şəkildə proses üçün kiçik zal ayrıldığını deyirlər.
Onlarla jurnalist, ictimai fəal çöldə qalıb. Onlar etirazlarını əl çalmaqla və «Xədicə» qışqırmaqla bildiriblər