Yerevanın botanika bağında yanğın (video)
Ərazisi 80 hektar olan bağın 15 hektarı tamamilə yanıb. Yanğına qədər bu parkda 1100 növ bitki var idi, onlardan 70-i nadir bitkilər siyahısında idi. Botanika bağı 1935-ci ildə salınmışdı
Rusiya muzeylərində Naxçıvan bayraqları, Dərbənd və Şamaxı açarları tapılıb
Rusiya muzeylərində Naxçıvan Xanlığının bayraqları, Dərbəndin gümüş açarı və Şamaxının açarları aşkar olunub. Bunu AMEA-nın Milli Azərbaycan Tarixi Muzeyindən APA-ya bildiriblər. Naxçıvan Xanlığının 26 iyun 1827-ci ildə işğal zamanı qənimət kimi götürülən bayrağının üzərində aypara və 8 guşəli ulduz var. "Bu günə kimi hesab olunurdu ki, Azərbaycanda bayraqda bu rəmzlər ilk dəfə 1918-ci ildə istifadə olunub".
Qardaş - 700, bacı - 685 bal !
Gəncə şəhər sakini Elçin Qasımov II ixtisas qrupu üzrə keçirilən qəbul imtahanında 700 bal toplayıb. Bacısı, onunla eyni sinifdə oxuyan və eyni qrupda imtahan verən Gülçin Qasımova isə 685 bal yığıb. Bunu APA xəbər verir.
Elçin Qasımovun özü isə Modern.az-a deyib: "Fikrimdə ADA Universitetində (Diplomatik Akademiya) oxumağı tutmuşdum. Amma orada təhsil ödənişli olduğu üçün başqa ali təhsil müəssisələrini seçmək məcburiyyətində qalıram. Əgər ADA Universitetində bizim üçün ödənişsiz təhsil imkanı yaratsaydılar oranı böyük mənuniyyətlə seçərdim. Xaricdə təhsil üçün də Dövlət Proqramına sənədlərimi vermişəm. Alınsa, yəqin ki, Türkiyədə oxumağa gedəcəm. İnşallah gələcəkdə yaxşı iqtisadçı olmaq istəyirəm”.
İşıqfor hardadır?- viktorina
Burdan keçən sürücüyə evə məktub gəlib ki, işıqforu qırmızı işıqda keçib.Sizcə, burda işıqfor hardadır?
İndi isə yuxarıdakı sualın cavabı:İşıqfor burdadır- hasarın dalında
Cenubnews.com-un məlumatına görə, Anar Ədilzadə adlı facebook istifadəçisi öz profilində Nərimanov (keçmiş «Sovetski») küçəsindəki hasarların arxasında gizlənən işıqforların fotolarını paylaşıb. A.Ədilzadə yazıb ki, onun dostu həmin işıqforlardan birini görmədiyi üçün qırmızı işıqdan keçib və kameraya düşüb. Daha sonra Anar Ədilzadənin dostunun evinə qırmızı işıqda hərəkət etməsi ilə bağlı MMX radar məktubu gəlib.
Avropa Oyunları ərəfəsində evlər hasara alınınan zaman həmin küçədəki işıqforlar hasarın o biri üzündə qalıb.