4 qat dünya çempionu Qaradağda bıçaqlanıb
İyulun 29-da Qaradağ rayonunda 11 qat Azərbaycan çempionu, K1 turnirinin qalibi, dünya kubokunun sahibi, 4 qat dünya çempionu , polis kapitanı Kamil Şərifov bıçaqlanıb. Oxu.Az-a çempionun dostu, tanınmış məşqçi Kamil Zeynallı məlumat verib ki, Qobu qəsəbəsində oğurluq hadisəsini araşdıran polis kapitanı Kamil Şərifov təkbaşına beş nəfər şübhəli şəxsi saxlamaq istəyib. Şübhəli şəxslər polisə tabe olmayaraq, ona hücum ediblər və cinayətkarlardan biri polis kapitanına qəflətən 3 bıçaq zərbəsi endirib.Hazırda o müalicə olunur.
"34 yaşlı milyarder, "playboy" Anar Məmmədov"
"...məhz bu biznesin arxasında qeyri-adi və ziddiyyətli partnyor durur. Bu oteldə Trump-ın biznes partnyoru atası “Azərbaycanın nəqliyyat naziri kimi xidmət göstərən” 34 yaşlı milyarder, “playboy” Anar Məmmədovdur”.Bunu təhqiqat jurnalistikası ilə tanınan “Mother Jones” məcmuəsi yazır. Məqalədə bu da deyilir ki, “sərvəti 1 milyard dollar civarında təxmin edilən Anar Məmmədovun atası Ziya Məmmədov prezident İlham Əliyevə yaxın ən qüdrətli klanlardan birinin başçısı, nüfuzlu hökumət rəsmisidir”.
Bulvarda 65 metrlik yaxta yoxa çıxıb
Bakı bulvarında 65 metrlik yaxta oğurlanıb. Şikayətçi deyib ki, bu gəmi onun şəxsi mülkiyyətində olub. Yaxta 2006-cı ilin iyun ayından «Yaxt Klub»un ərazisində müqaviləsiz əsaslarla saxlanırmış. Bunu lent.az yazır.
İŞİD Azərbaycan üçün ciddi təhlükəyə çevrilə bilər.Bunu təhlükəsizlik məsələləri üzrə ekspert İlham İsmayıl Azadlıq qəzetinə deyib. Mətbuat icmalı
İran Azərbaycan vətəndaşlarına azad viza rejimi verir
İranın Kayhan qəzeti yazır ki, İran 7 ölkəyə azad viza rejimi verib: Azərbaycan, Türkiyə, Misir, Suriya, Livan, Gürcüstan, Boliviya. Bu o deməkdir ki, bu ölkələrin vətəndaşları İranda 15 gündən 90 günə kimi vizasız qala biləcəklər. Bunun üçün viza almaq tələb olunmur.
İran bununla turizmə təkan vermək istəyir. İndiyədək Azərbaycan vətəndaşları İrana 14 günəcən vaxta gedəndə viza tələb olunmurdu.