Polis etirazçılara qarşı güc tətbiq edir
Mingəçevirdə Bəhruz Hacıyevin dəfnindən sonra etirazçılarla polis arasında yaranmış qarşıdurmada polis güc tətbiq edib.
Polis əvvəlcə etirazçılardan yolu boşaltmağı tələb edib. Aksiyaçılar yolu boşaltmayıb. Bundan sonra polis dəyənəklərlə qalxanlara vura-vura aksiyaçılara yaxınlaşıb. Etirazçıları dağıtmağa, döyməyə, tutmağa başlayıb.
Polis mağazaların qarşında dayanmış adamlardan içəri keçməyi tələb edib.
Çevik Polis Alayının polisləri isə səs bombası, gözyaşardıcı qazdan istifadə edib.
Mərhumun yaxınları bildirib ki, Bəhruz Hacıyevin ölümünə görə yerli polis idarəsinin rəisi Ələsgər Bədəlov məsuliyyət daşıyır, o cəzalanmalıdır.
Aksiyaçılar etirazların davam edəcəyini bildirir.
Polis zorakılığa etiraz edənləri döyür
Mingəçevirdə polis aksiyaçıları dağıdandan sonra arxa məhəllələrə səpələnmiş etirazçılara da zor tətbiq edib. Polisin döydüyü, saxladıqları şəxslər arasında aksiyada iştirak etməyənlər də olub. Polis onlardan biri - səkidə oturmuş gənci vuranda, o buna etiraz edib. Soruşanda ki, «oturduğum yerdə məni niyə vurursunuz», polislər deyiblər ki, «sən qaçanlardansan». Bundan sonra onu zorla polis maşına oturdub aparıblar.
Baş verənləri küçədə izləyən şəhər sakinləri isə polislərə «camaatın balasını vurub öldürmüsünüz, pəncərən atmışınız» deməklə etirazını bildirib.
Saxlananlardan bəzisi buraxıldı
Mingəçevir polis şöbəsinə çoxlu sayda narazı adamlar gəlir. Onlar bugünkü aksiyada saxlananların yaxınlarıdır.
Polis şöbəsindən AzadlıqRadiosuna saxlananlardan bir neçə nəfərin buraxıldığını deyiblər.
Çəkdiklərinizi bizə də göndərin
Rastınıza çıxan maraqlı hadisələri videoya, fotoya çəkib bizə göndərə bilərsən.
Çəkdiklərini MobilReportyor-a belə çatdır:
- Kompüterdən - Yükləmə səhifəsinə daxil olub oradakı qaydalara əməl etməklə foto və ya videolarını bizə göndər.
- WhatsApp nömrəmiz:
(+420) 778 711 700
Görüntüləri elektron poçtla bura göndər: AzadAvropa.AzadliqRadiosu@gmail.com