-
Azərbaycanda vətəndaş Mərkəzi Bankı devalvasiya qərarına görə məhkəməyə verib.
Bu barədə report.az məlumat yayıb.
Bildirilir ki, Sərvan Kərimov 1 saylı Bakı İnzibati-İqtisadi Məhkəməsinə müraciət edib, Mərkəzi Banka qarşı vurulan zərərin ödənilməsi barədə iddia qaldırıb.
Sərvan Kərimov 13 423 ABŞ dolları maddi və 4 000 ABŞ dolları mənəvi zərərin cavabdehdən tutularaq ona ödənməsini tələb edir.
1 saylı Bakı İnzibati-İqtisadi Məhkəməsi iddianı rədd edib.
Qərardan narazı qalan vətəndaş 1 saylı Bakı İnzibati-İqtisadi Məhkəməsinin qərarından apellyasiya şikayəti verib. Şikayətə Bakı Apellyasiya Məhkəməsində baxılır.
Mərkəzi Bankın İdarə Heyətinin 21 fevral 2015-ci il tarixli qərarı ilə 1 ABŞ dollarının rəsmi məzənnəsi 1.05 manat səviyyəsində müəyyən edilib. Bununla da Azərbaycan manatı 33.4 faiz ucuzlaşıb.