-
Alyoşa
Feilin əmr surəsi
1.
Post-modern mağarlarda ölümün yüz adı var
əgər bir ata kimliyi ilə qeydiyyatın varsa yatağa
ən adi bir səhər də aynaya yaramır oyanıb dünəni əsaslandırmaq
dünən ölü bir qalıqdı gələcəyə bölünmür, söz...
sualların heç birində hənirti yoxdu
heç bir cavabda insan yaşamır
bütün cinayətlər mətbəxt əşyalarına bölünmüş
antıq bir insan növünün fəxri vətəndaşı ayaqlarım
öz iyindən qurtulmaz
2.
Mən bir adama ağac dedim və
Dünyanın ən yarım yuxusundan oyanıb əllərim
Evin uşağını açdı cavabsız səslərə
Xəbərsizcə böyütdülər köynəyimizi
Sonuncu müqəddəs məktub döş cibinə enmiş gilə nardı
öldüyümüz bütün qopuşlarda mən gedirəmsə
bu şəhər susuz qalmış dibçəkdi pəncərəyə
sənliyinə aldığım bütünlük ölməkdə zamanın izidir
analar uşaqlarına ana axtarır amma
mən atalıqdan yorulmuş bir erayam məbədim
bakirələr qoxan rəhmdi bütün düşməkliyimizdə tamı
3.
Qapı açmağı necə öyrənibsə bədən
Bütün otaqlar eyni rəngdə və yad dili
Çarəsizlik böyüdülməmiş uşaqdı küsməkdən
O qədər iridir ki əlləri xəstəlik gizlənmə
Adı birinci anasının hənirtisi, çağırmırlar artıq
Yerimək yaşanmamışların məsafəsidirsə
Feilin əmr surəsində yox kəpənək, ölüm və köləlik
Aramızdakı bütün insanlarda mavi çıxar qarşı tərəfə
Hər dəfə yenidənin tamında ana rəhmi var, bütün evlər dişidi
4.
İndi sən də doğuldun deyək hamımız
İt dəftərində çiçək oldun, məsələn çobanı çoban edən qənirə
Bulvar qəzetlərindən yola çıxıb atan bir də çörək olmayıb
Yerində doqquz aylıq bir tam buraxmış ki o qadına deyək hamımız
Biz sənin yuxundan ağır bir gündə hər şeyin boşluqda at kimi kişnədiyi və
Hər şeyin selcəsinə içimizə axışdığı və
Kimsənin dayandıra bilmədiyi o hiss, yoxluq, uyuşmaq,
nəsə etmə acizliyi bombardumanında və
Kor bir quyunun ulduzsuz dibinə yenə və
əllərimi ağaçalara bağladım arzularım uşaq-muşaq qalmış
yenidən içə qayıtmaq üçün axtardığm qadının üzü solğun
yorğun bütün qəlbimizə doluşan taksilər Xəzərə axır
o gecə lampasından asılan gözüm çıxsa qaçaram
hər gün qapısından doğulduğum evə
ey bütün bakılar, boşluğun asta alın yazısı,
yaşamayanlar yaşayanları heç vaxt yaşatmaz
