-
Ötən il Azərbaycanda QİÇS-ə yoluxan 23 əcnəbi qeydə alınıb. Həmin əcnəbilərdən 15-i kişi, 8-i qadındır.
Bu haqda APA Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının illik məruzəsinə istinadən xəbər verir.
Məruzədə bildirilir ki, əcnəbi kişilərin 4 nəfəri narkotik istifadəsindən, 9 nəfəri hetroseksual kontaktdan, 2 nəfər isə naməlum yolla xəstəliyə yoluxub.
Qadınlardansa 1 nəfər narkotik istifadəsi, 6 nəfər hetroseksual kontakt, 1 nəfər naməlum səbəbdən QİÇS-ə mübtəla olub.
Bu sahədə statistikanın aparıldığı vaxtdan - 1987-ci ildən 2016-cı ilə qədər Azərbaycanda 190 əcnəbi QİÇS-ə yoluxub.