-
Yaralananlardan 12-si əcnəbilərdir.
Martın 19-da Türkiyənin İstanbul şəhərində törədilən partlayışda yaralananlardan 12-si əcnəbilərdir. Onlardan 6-sı İsrail, 2-si İrlandiya, 1-i Almaniyadandır. Qalanları İslandiya, Birləşmiş Ərəb Əmirliklər və İran vətəndaşlarıdır.
Partlayışda intiharçı-terrorçu daxil olmaqla, 5 nəfər ölüb, 36 nəfər yaralanıb. Yaralılardan 7-sinin vəziyyəti ağırdır.
Partlayışın baş verdiyi İstiqlal prospekti İstanbulun mərkəzi, turistlərin sıx olduğu yerdir. Bomba terrorçu-kamikadze yolda gedərkən vaxtından əvvəl partlayıb.
Polis hazırda terrorun aktının hədəfinin hansı istiqamət və kimlərin olmasını araşdırır.
+++
Martın 19-da Türkiyənin İstanbul şəhərində partlayış olub.
Partlayış İstanbulun mərkəzində - İstiqlal prospektindəki Balo küçəsində baş verib.
Azı 5 nəfər ölüb, 20 nəfər yaralanıb.
Partlayışın gücündən ətrafdakı binalar da zərər görüb.
Əraziyə çoxlu sayda təcili yardım maşınları gətirilib.
Partlayışdan sonra polis prospekti bağlayıb.
İstanbul valisi Vasip Şahin partlayışı intiharçı-terrorçunun törətdiyini bildirib.
