-
Bu il Azərbaycanda keçiriləcək «Formula-1» yarışları ilə əlaqədar ali təhsil müəssisələrində yay imtahanlarının keçirilmə vaxtında dəyişiklik olub.
Təhsil Nazirliyindən APA-ya bildirilib ki, Elm, ali və orta ixtisas təhsili şöbəsi iyunun 15-dən 20-nə kimi ali məktəblərdən imtahan təyin olunmamasını xahiş edib. Digər günlərdə isə imtahanlar əvvəlcədən təyin olunduğu qaydada davam etdiriləcək.
Yay imtahan sessiyasına iyunun 1-dən start veriləcək, iyulun 5-də yekun vurulacaq.
«Formula-1» Avropa Qran-prisinin Bakı mərhələsi bu il iyunun 17-dən 19-na kimi davam edəcək.