Neftin qiyməti 2017-ci ilin ortalarına qədər məhdud olaraq qalacaq, sonra isə qalxmağa başlayacaq.
Bunu Morgan Stanley investisiya bankının ekspertləri öz hesabatlarında yazır.
Onların fikrincə, neftin qiyməti bir barrelə 70-80 dollara kimi qalxa bilər.
Hesabata görə, 2016-cı ildə neft bazarında neft tələbdən artıq olacaq, ancaq 2017-ci ildən bazarda gündə 0,1 milyon barrel neft çatmaycaq.
2018-ci ildə bu çatışmazlıq gündə 0,3 bilyon barrel olacaq. Ancaq 2019-2020-ci illərdə defisit 0,1 və 0,2 milyon barrelə düşəcək.
Hazırda Brent markalı neftin qiyməti 45 dollardır.
İyulun ortalarında OPEC 2008-ci ildən bəri gündəlik istehsalı maksimuma çatdırıb: 32,7 milyon barrel.
