Beynəlxalq kredit reytinqi agentliyi Standard & Poor’s (S&P), neft qiymətlərinin aşağı düşməsindən zərər çəkmiş Konqo Respublikasının defoltda, yəni müflis vəziyyətində olduğunu elan edib.
Financial Times qəzeti xəbər verir ki, S&P Konqonu 478 milyon dollar məbləğində borcunu ödəyə bilmədiyinə görə, defoltda olduğunu bildirir.
Pul iyunun 30-də köçürməli idi, ancaq iyulun sonunadək hökumət borcları ödəyə bilməyib.
Bir qədər əvvəl Moodys agentliyi də Konqonun suveren reytinqini В3-ə qədər azaldıb.Gözlənilir ki, yaxın günlərdə Fitch də ölkəni defolt elan edə bilər.
Konqo neftin dünya qiymətlərinin aşağı düşməsindən ciddi zərər çəkib. 2014-ci ildə Konqo büdcəsinin gəlirlərinin 70% neft ixracından daxil olub.