Mitinq başlandı
Bakıda Milli Şuranın sentyabrın 26-da keçiriləcək Konstitusiya dəyişikləri ilə bağlı referendumun keçirilməsinə etiraz olaraq etiraz mitinqi başlayıb.
Mitinqdə Azərbaycanın dövlət himni səsləndirilib.
Etiraz aksiyasında “Çörək baha, ət baha, yemək tapmır xalq daha”, “Əmək haqqı 105 manat, təhsil haqqı 4000 min manat”, “Azərbaycan intiharlar ölkəsi”, “Biz kölə deyilik”, “Yox deyirəm”, “Lazım” Qarabağa nə vaxt gələcək?”, “Siyasi məhbuslara azadlıq”, “Dəstək olaq doğruya, lənət olsun oğruya”, “Yalançı da hökumət, Gülənçi də hökumət” şüarları qaldırılıb.
Milli Şuranın mitinqi [Fotolarda]
!["Lazım Qarabağa nə vaxt gələcək?: Mitinqdən [Fotolar]](https://gdb.rferl.org/fe3844fa-ff22-4e5a-9429-a2d7056b22a2_w250_r1_s.jpg)
"Lazım Qarabağa nə vaxt gələcək?: Mitinqdən [Fotolar]
"Basqılar var"
Milli Şuranın bu günkü mitinqində kütləviliyin qarşısını almaq üçün hökumət inzibati basqılardan istifadə edb.
Bunu jurnalistlərə AXCP sədrinin müavini Nurəddin Məmmədli bildirib.
O, mitinqdə iştirak etmək üçün paytaxta gəlmək istəyən müxalifətçilərə basqıların olduğunu deyib.
“Xalq Cəbhəsi Partiyasının Mingəçevir təşkilatı üzvlərinin Bakıuya gəlməsinə imkan verməyiblər. Aldığımız məlumata görə, onları Bakıya yol düşəndə saxlayıblar”, deyən N.Məmmədli başqa rayonlardan da analoji bilgilər aldıqlarını deyib.
"Ədalətli dövlət, şəffaf cəmiyyət"
“Biz həmişə övladımıza nəsə qoyub getmək istəmişik. Amma ədalətsiz cəmiyyətdə ən gözəl miras ədalətli dövlət, şəffaf cəmiyyət qurmaqdır”.
Bunu Milli Şuranın mitinqini açan AXCP Gənclər Komitəsinin rəhbəri İlham Hüseyn deyib.
İlham Hüseyn ölkədəki sosial-siyasi problemlərin baş alıb getməsindən danışıb. Deyib ki, hökumətdəkilər bu problemləri görmək, çözmək əvəzinə, özlərinə sərvət toplayırlar, obyektlər yaradırlar: “Onlar bilmirlər ki, ən böyük obyekt əldə etmək bu ölkədə demokratiya qurmaq olardı. Biz əminik ki, demokrtaiyanın təşəkkül tapdığı cəmiyyətin qurulmasına lap az qalıb”.