Rusiya müasir silahlar almaq üçün Ermənistana 100 milyon dollarlıq yeni kredit verəcək.
Bu barədə oktyabrın 12-də Ermənistanın “Panarmenian” saytı məlumat yayıb.
Məlumata görə Ermənistan hökuməti oktyabrın 12-də kredit razılaşmasını təsdiqləyib.
Razılaşmaya görə bu kredit 20 il ərzində veriləcək ki, bunun 5 ili küzəştli qaydada illik 3% olacaq.
Ermənistanla Rusiya arasındakı kredit razılaşması əsasında tərəflər silahların göndərilməsinin vaxtı, qaydası, hərbi texnikalar və xidmət qaydaları barədə ayrıca müqavilələr imzalayacaqlar.
Ermənistan tərəfikreditdən 2018-2022-ci illər arası istifadə edəcək.
Buna da bax: Rusiya səfiri: "İsgəndər" Rusiya ilə Ermənistan arasında qardaşlıq rəmzidir
Ermənistan Rusiyadan silah almaq üçün ümumilikdə 2015-ci ildə Moskvadan 200 milyon dollarlıq kredit alıb.
Bu razılaşma əsasında Ermənistana «Smerç» sisteminə aid qurğular və sursat, «İqla-S» səyyar zenit raket kompleksləri, «Avtobaza-M» tipli yerüstü radiotexniki kəşfiyyat kompleksləri, 9М113М raketləri, zirehli maşınlar və rabitə vasitələri verilməlidir.
Buna da bax: 'Rusiya Azərbaycana hansı silahı verirsə, Ermənistana da onu verəcək'
