Rusiya Prezidenti Vladimir Putinin tənqidçiləri son bir ayda artıq üçüncü dəfədir ona saxta məzardaşı düzəldirlər.
Bu dəfə doğma şəhəri Sankt-Peterburqda fəallar Müqəddəs İsaak Kilsəsi qarşısında qranitə oxşar lövhə qaldırıb, sonra fotosunu internetdə yayıblar.
Qara lövhədə Putinin fotosu, adı, “O, Rusiya xalqına xəyanət etdi” sözləri yazılıb. Doğum və ölüm tarixləri “1952-2019” göstərilib. 1999-cu ildə Rusiyanın prezidenti, yaxud baş naziri olmuş Putin 1952-ci ildə anadan olub.
Agit Russia qrupu Twitter-də yazıb ki, saxta başdaşı onların işidir.
“Bunu demək istədik: Xalqa qarşı qanunlar, daimi yalanlar, iyrənc idarəçilik ucbatından Putin Rusiya vətəndaşları üçün ölüb”, – qrup bildirib.
Müqəddəs İsaak kilsəsi Sankt Peterburqda məşhur binalardandır. Qrup tvitində estafeti ələ aldığını bildirib. Ötən ay oxşar aksiyalar Moskvada və Tatarıstanın Naberejniye Çelni şəhərində keçirilib.
Amma Naberejniye Çelnidə iki fəal Putinə məzardaşı ucaldandan sonra 28 və altı günlük inzibati cəzaya məhkum ediliblər.
