Azərbaycanın Xarici İşlər Nazirliyi Dağlıq Qarabağdakı erməni qüvvələrinin dekabrın 10-da keçirmək istədiyi referendumla bağlı etiraz bəyanatı yayıb.
Nazirlik hesab edir ki, bu akt Azərbaycan Konstitusiyası ilə yanaşı, beynəlxalq hüquq norma və prinsiplərini pozur və hal-hazırda davam edən sülh prosesinə mane olur.
Sənəddə qeyd olunur ki, Dağlıq Qarabağ regionu əhalisinin özünü idarəetmə haqqında hər hansı konstitusion sənəd yalnız regionun bütöv erməni və azərbaycanlı icmalarının tam, bərabər və birbaşa iştirak edə biləcəyi demokratik və sülh prosesi vasitəsi ilə həyata keçirilə bilər.
