Ötən gecə İranda baş verən dəmiryol qəzasında azı 17 nəfər ölüb, 50 nəfərsə yaralanıb.
Azadlıq Radiosu İran xidmətinin iyunun 8-də verdiyi məlumata görə, qəza təxminən paytaxt Tehranın 500 kilometr cənubda, Tabas şəhəri yaxınlığında baş verib.
Ölkənin rəsmi mənbələri hələlik qəzanın səbəbləri ilə bağlı heç bir məlumat verməyib və araşdırmaların davam etdirildiyini bildirib.
Amma yerli mənbələrdə yayılan ilkin məlumatlara görə, Məşəddən Yəzdə gedən sərnişin qatarı ekskavatorla toqquşaraq relsdən çıxıb.
Yerli hakimiyyət bildirib ki, yarılardan bəziləri ağır vəziyyətdədir və ğlü sayaının artacağı istisna edilmir.
