«Artıq iki məhkəmə prosesində işgəncə faktlarının olduğu təsdiqini tapıb». Bu barədə «Azadlıq» radiosuna İşgəncələr Əleyhinə Komitənin rəhbəri Elçin Behbudov məlumat verib. O, deyib ki, Böyük Britaniya səfirliyinin dəstəyi ilə rəhbərlik etdiyi təşkilat «Məhkəmə prosesi zamanı işgəncə faktlarının monitorinqi» adlı layihə həyata keçirir. Hüquq müdafiəçisinin sözlərinə görə, monitorinq nəticəsində üzə çıxan faktlar ümumiləşdirildikdən sonra aidiyyatı dövlət orqanlarının nəzərinə çatdırılacaq.