Əlillərin hüquqlarının müdafiəsi ilə bağlı BMT konvensiyasını 80 ölkə və Avropa Komissiyası imzalayıb. Hazırda dünyada fiziki və əqli məhdudiyyətli insanların sayı 650 milyon nəfərdir.
Sənəddə deyilir ki, hər bir ölkə fiziki və əqli əlilliyi olan insanlara qarşı ayrı-seçkiliyə son qoyan qanunlar qəbul etməlidir.
Həmçinin ictimai xidmətlərdə infrastruktur əlillərin tələbatları nəzərə alınmaqla qurulmalıdır.
Konvensiyanı ötən il BMT-nin Baş Assambleyası qəbul edib. Yamayka artıq sənədi ratifikasiya edib. Amma konvensiyanın qüvvəyə minməsi üçün daha 19 dövlətin ratifikasiyası lazımdır. Sənədi imzalayan 80 ölkənin onu həm də parlamentdə ratifikasiya etməsi lazımdır.
